香港中文大學醫學院精神科學系教授李誠執業資料
產後抑鬱 十個媽媽一個中招
做人壓力大，做媽媽的壓力更大。今次倫常慘劇事件中，疑患有產後抑鬱的婦人與子同墮樓，令人惋惜之餘，亦喚起大眾對此病的關注。香港中文大學醫學院精神科學系教授李誠指，產後抑鬱屬抑鬱症一種，可分為輕、中及重三個級別，有百分之十的媽媽會患上不同程度的產後抑鬱。若婦女本身是抑鬱症患者，或是產前承受環境、經濟及家庭壓力，患產後抑鬱機會比一般人高。
面對子女感不快 須求醫
產後抑鬱最特別的徵狀，是顯著增加傷害或結束小朋友生命的機會。李解釋：「通常會出現喺嚴重患者身上，佢哋（患者）覺得睇唔到將來有希望，對自己失去信心，覺得自己喺世界上係一個負擔，覺得無能力湊大個小朋友，喺佢哋主觀世界，依家結束小朋友生命係唯一可行之路，唔覺得係一種傷害，而係小朋友另一條出路，佢哋通常傷害完小朋友就會自我結束」。
李指，另外嚴重患者亦可能出現近似思覺失調的徵狀，會出現幻聽幻覺，例如聽到有聲音批評自己「你有咩用呀，累咗個細路啫，你不如搞掂佢啦！」患者倘信以為真，便會危害小朋友性命。其他病徵則與一般抑鬱症一樣，會出現情緒低落、自我埋怨、胃口差、難集中精神、記性差及體重下降等。
李續稱，婦女在港生育後要填問卷，以識別有否相關徵狀，若出現較多徵狀，會轉介再作評估，惟若相隔生育一段時間才發病，則鞭長莫及，要靠家人、朋友或家庭醫生留意。家人若發現產婦出現持續嚴重失眠、基本生活能力轉差，出現顯著自責心態，例如見到子女都覺得不快，則要盡早帶她求醫。而此類病人屬高危一族，若持轉介信到公立醫院求醫，只需輪候一至兩星期，輕度及中度患者只需要作心理治療或家庭干預，嚴重者則要藥物治療。他強調，產後抑鬱並非不治之病，呼籲患者要正視問題，及早求醫。
資料來源: 東方日報 25-07-2018
選文來自: 香港E大夫 / 醫大夫
E大夫醫生網是香港人最喜愛的醫療網站
